உச்சகட்ட அழுகை

பேச வரிகள் இல்லை

எச்சில் விழுங்க வழியில்லை

நெஞ்சில் மிச்சம் இங்கு எதுவுமில்லை

பிரிய மனம் இல்லை எனக்கு – இருந்தும்

வீட்டுப்படி தாண்டுகிறேன்

பெரிய கனம் மனதில் இருக்கு – அதனால்

புரியாமல் பேசித்திணருகிறேன்

அடித்திருக்கிறாள் அம்மா

அழுது அமைதி அடைந்ததுண்டு

திட்டி இருக்கிறாள் அம்மா

எரிந்துப்பேசி எதிர்த்ததுண்டு

வாங்கி வாங்கி பழக்கபட்டவள் நான்

வார்த்தைவலிகள் புதிதில்லை

வாசம் இல்லாத மலரும் நான்

எவரும் பரித்துப்போக வழியில்லை

கண்ணீர் தீர்ந்தது கண்களிலே - என்

காயங்கள் தீருமா இதயத்திலே..???

தெரியவில்லை எனக்குமிங்கே

தெரியாதது வாழ்க்கைப்படி ?

புரியவில்லை ஒன்றுமிங்கே

எல்லாம் இங்கு கேள்விக்குறி ???

                     சௌந்தர்யா